रामनवमी तथा साधारण सभा सम्पन्न

आइतबार, अप्रिल १७, २०१६; सर्रे
हिन्दु बुध्दिष्ट फाउन्डेसन अफ क्यानाडाको आह्वाहनमा ग्रेटर भ्याँकुवरको सर्रे भन्ने शहरको बियरक्रिक पार्कको सभास्थलमा तल्लो (दक्षिणी) ब्रिटिश कोलम्बियाका नेपाली समुदायले रामनवमी पर्व भगवान रामको पूजा-अर्चना गरि तथा भजन गाएर मनाए | यस पूजाबाट प्राप्त भएको भेटि २५२.५० क्यानेडियन डलर संस्थाको कोषमा जम्मा गरिएको छ | पूजा कार्यक्रम सकिए पछि प्रसाद ग्रहण गरि सोहि संस्था को साधारण सभा शुरु भयो |

उक्त अवसरमा सो संस्थाका तदर्थ समितिका सदस्य देवदत्त अधिकारीले स्वागत मन्तब्य दिदै ब्रिटिश कोलम्बियाको सर्रे भन्ने सहरमा  जनवरी २०१४ मा भएको नेपालीहरुको भेलाले नेपाली संस्कृति र धर्मको रक्षा तथा जगेर्ना गर्ने उद्देश्यले यस तदर्थ समितिको अभ्युदय भएको स्मरण गर्नु भयो | सोहि अवसरमा समितिका अर्का सदस्य सुनिल हमालले अहिले सम्म विभिन्न कार्यक्रम गरि यस संस्थाले १२,८९३.९५ क्यानेडियन डलर जम्मा भएको जानकारी दिनुभयो | त्यस पछिका बक्ता सदस्य मधुसुदन आचार्यले यस संस्थाले गरेका धार्मिक कार्यक्रमहरु बारेमा जानकारी गराउनु भयो | यस संस्थाले हालसम्म न्वारन, पास्नी, ब्रतबन्ध, बिवाह, अन्त्येष्टि, श्राध्द जस्ता सम्पूर्ण सामाजिक रितिका साथै शिवरात्रि, रामनवमी, कृष्णजन्माष्टमी, रुद्री, सत्यनारायण पूजा जस्ता कार्यक्रमहरु सम्पन्न गरि सकेकोछ |  यस कार्यक्रममा यस समितिका अरु सदस्यहरु बाबुराम भण्डारी, अमिन खड्का तथा निरन्जन श्रेष्ठ पनि उपस्थित हुनुहुन्थ्यो भने एक जना सदस्य रमेश स्थापित केहि कारणवस अनुपस्थित हुनुभएको थियो | उक्त साधारण सभाले यस संस्थाको सदस्यता शुल्क बिध्यार्थीका लागि ११.००, प्रति व्यक्ति २१.००, प्रति परिवार ५१.०० र आजीवन सदस्यता को लागि ५०१.०० कायम गर्यो |

कार्यक्रमको दोस्रो चरण, नयाँ कार्यकारी समितिको चयनका लागि अनिल प्रधान, डा. द्रोण रसाइली तथा उमेश घिमिरेले निर्वाचन अधिकृत बनि सहयोग गर्नु भएको थियो | त्यसबाट निर्बिरोध रुपमा सभापति मधुसुदन आचार्य, उपसभापति देव अधिकारी, सचिव सुनिल हमाल, कोषाधक्ष रोशन केसी, तथा सदस्यहरुमा रिना पोद्दार, नागेश बराल र बिष्णु मैनाली छानिनु भएकोछ | नयाँ छानिनु भएका कार्यसमितिका सदस्यहरुको तर्फबाट धन्यवाद दिदै सभापति मधुसुदन आचार्यले ५,०००.०० क्यानेडियन डलर दान दिने घोषणा गर्नुभयो | त्यसैलाई निरन्तरता दिदै उपसभापति देवदत्त अधिकारीले पनि आफूले १०,०००.०० क्यानेडियन डलर र सचिव सुनिल हमालले २,०००.०० क्यानेडियन डलर दान तथा सुनिल हमालले पूजा-घर भाडामा लिदा अथवा किन्दा प्रति महिना ५१.०० क्यानेडिय डलर सहयोग गर्ने प्रतिबद्धता प्रकट गर्नुभयो |

त्यस्तै गरि उक्त संस्थाको सदस्य बन्ने क्रममा निम्नबमोजिम रकम संकलन भएको छ |
उमेश घिमिरे परिवार $ १०१.००
नारायण मैनाली $ ५१.००
मधुसुधन आचार्य परिवार $ १०१.००
अमकांत सुवदी परिवार $ १०१.००
देवदत्त अधिकारी परिवार $ १०१.००
संध्या ढुंगाना परिवार $ १०१.००
देवेन्द्र हमाल परिवार $ १०१.००
गंगा मल्ल $ ५१.००
रत्न राई $ ५१.००
सजना श्रेष्ठ $ ५१.००
सुनिल हमाल $ १०१.००
पराशरभक्त मल्ल (आजीवन) $ ५०१.००

निम्न-बमोजीमका सदस्यहरुले सदस्यता लिने प्रतिबध्दता प्रकट गर्नुभई शुल्क पछि बुझाउने मन्जुरी दिनुभएको छ |
रोशन केसी परिवार $ १०१.००
चन्द्र अधिकारी परिवार  $ १०१.००
बिष्णु मैनाली परिवार  $ १०१.००
नागेश बराल परिवार  $ १०१.००
कृष्ण सुबेदी परिवार  $ १०१.००
मोहन कृष्ण श्रेष्ठ परिवार  $ १०१.००
अर्पण प्रधान परिवार  $ १०१.००
कृष्णा रसाइली परिवार  $ १०१.००
पशुपति पौडेल परिवार  $ १०१.००
टमेन्द्र थापा $ ५१.००
निरन्जन श्रेष्ठ परिवार  $ १०१.००
सुजित खड्का परिवार  $ १०१.००
शरद बज्राचार्य परिवार  $ १०१.००
राम प्रकाश अधिकारी परिवार  $ १०१.००
शिला सैंजु $ ५१.००
सुशील उपाध्याय परिवार  $ १०१.००

पछि इमेल मार्फत बाबुराम/देवकला भण्डारी परिवार बाट $ १००१.०० दान तथा $ ५१.०० सदस्यता शुल्क बुझाउने प्रतिबध्दता प्रकट गर्नु भएकोछ |

रामनवमी तथा साधारण सभा

सर्वप्रथम त नयाँ बर्ष २०७३ को हार्दिक तथा मंगलमय शुभकामना | श्री पशुपतिनाथको कृपाले, नयाँ बर्ष २०७३ मा सम्पूर्ण नेपाल र नेपालीको उत्तरोतर प्रगति र उन्नति होस् |

बिगतका बर्षहरु झै यसपटक पनि हिन्दु बुध्दिष्ट फाउन्डेसन अफ क्यानाडाले रामनवमी पर्व सर्रेको बियरक्रिक पार्कमा मनाउने भएकोछ | उक्त पावन अवसरमा सामेल हुनको लागि ब्रिटिश कोलम्बिया बस्नुहुने सम्पूर्ण भक्तजनहरुलाई यस फाउन्डेसन हार्दिक अनुरोध गर्दछ | रामनवमीको शुभमुहुर्तमा यस फाउन्डेसनको पहिलो औपचारिक साधारण सभा पनि अह्वाहन गरिएको छ | उक्त दिनको कार्यक्रम यसप्रकार छ :

१२:०० - १:०० :- कार्यक्रम स्थल सजावट तथा भेट-घाट
१:०० - ३:०० :- पूजा तथा भजन
३:०० - ३:३० :- प्रसाद ग्रहण
३:३० - ५:०० :- साधारण सभा
५:०० - ५:३० :- समापन तथा सर-सफाई

स्थान :- बियरक्रिक पार्कको शिशाको घर (थिएटर संगैको)
मिति :- २०७३ बैशाख ०५, आइतबार

ज्ञातव्य :- यस फाउन्डेसनको हालको बार्षिक (जनवरी देखि डिसेम्बर) सदस्यता शुल्क क्यानेडियन डलरमा निम्न बमोजिम छ | (कार्यक्रममा सहभागी हुन सदस्य भै रहन पर्दैन)
विद्यार्थी शुल्क :- $ २१.०० ( $ ०.०६ प्रति दिन भेटि)
एक जनाको शुल्क :- $ ५२.०० ($ ०.१४ प्रति दिन भेटि)
परिवार (२ जना)को शुल्क :- $ १०१.०० ($ ०.२८ प्रतिदिन भेटि)

भेटघाट तथा अन्तरक्रिया कार्यक्रम २०१६

हिन्दु बुध्दिष्ट फाऊन्डेसन अफ क्यानाडाका तर्फबाट सम्पूर्ण नेपाली समुदायलाई नयाँ बर्ष २०१६ को हार्दिक तथा मंगलमय शुभकमाना |
यस फाऊन्डेसनले यही आउदो जनवरी ९ तारिखका दिन दिउसो १:३० देखि ४ बजे सम्म सरे सिटी सेन्टर लाईब्रेरीको रुम नम्बर ४१८ मा भेटघाट र अन्तरक्रिया कार्यक्रमको आयोजना गरेको छ | कृपया उक्त कार्यक्रममा उपस्थित भै आफ्नो अमूल्य सुझाब दिएर मन्दिरको प्रोजेक्ट अन्तरर्गत नेपाली संस्कृति तथा रिति-रिवाजको जगेर्नाका लागि सहयोग गर्नुहुन हार्दिक अनुरोध गर्दछौ | कार्यक्रमको बिस्तृत जानकारी पछि अवगत गराइने छ |

धन्यबाद !
हिन्दु बुध्दिष्ट फाऊन्डेसन अफ क्यानाडा

तीज 2015

सदा झै यस पटक पनि हिन्दु बुध्दिष्ट फाउन्डेसन अफ क्यानाडाले तीज पूजा संचालन गर्न लागेको कुरा सहर्ष निवेदन गर्नुका साथै हार्दिक निमन्त्रण गर्दछ | कार्यक्रम यसप्रकार छ:

स्थान: १३३८७ ८९ए एभेन्यु, सर्रे
समय: साँझ ५ बजे देखि ७ बजे सम्म
मिती: २०७२ भाद्र ३० बुधबार (Sep 16, 2015)
कार्यक्रम: पूजा, भजन-आरती, नाच-गान, अनि प्रसाद

धरै जसो महिलाहरुले ब्रत लिनु हुने भएकोले प्रसाद चियापान तथा फलफूल मै सिमित राखिएको छ |

यस फाउन्डेसन सम्बन्धित कार्यक्रमहरु यसको फेसबुकमा गएर पनि हेर्न सकिन्छ | समयमै सूचित हुनको लागि फेसबुकमा फ्रेन्डशिप अथवा पेज लाइक गर्न नभुल्नु होला |

फेसबुक एकाउन्ट: Pashupatinath Swayambhunath
फेसबुक पेज: Hindu Buddhist Foundation of Canada

श्री कृष्ण जन्माष्टमी कार्यक्रम सम्पन्न

भाद्र १९ गते शनिबार, २०७२

श्री कृष्ण जन्माष्टमीको पावन अवसरमा हिन्दु बुध्दिष्ट फाउन्डेसन अफ क्यानाडाले भगवान श्री कृष्णको जन्मदिन मनाउन सर्रेको बियरक्रिक पार्कमा एक धार्मिक समारोहको आयोजना गर्यो | उक्त कार्यक्रम बिहानको ९ बजे शुभारम्भ भएर दिउसोको ३ बजे सम्पन्न भयो | त्यस अवसरमा श्रध्दालुहरुले श्री मधुसुदन आचार्यको अगुवाईमा दियो-कलशका साथै भगवान श्री गणेश तथा कृष्णको पुजा अर्चना गरियो | त्यसपछि विभिन्न श्रध्दालुहरुले भजन किर्तन गाए | र अन्त्यमा भगवानको आरती गरि प्रसाद ग्रहण गरे | सो अवसरमा ग्रेटर भ्याँकुवरमा सबैले मान्ने बा श्री दोजराज अधिकारीले खुशी व्यक्त गर्दै यहाँका सबै नेपाली मिलेर जुटे चाडै नै नेपालीहरुको मन्दिर पनि स्थापना हुनसक्ने आशा ब्यक्त गर्नु भयो | यस कार्यक्रममा दृश्य-अदृश्य रुपमा सहयोगी सम्पूर्ण श्राद्धालुहरु प्रति फाउन्डेसनले आभार ब्यक्त गर्यो |

सम्पूर्ण तस्विरको लागि तलको लिंकमा जानु होला |
https://drive.google.com/folderview?id=1xMtoroet9pGKCnfxmLfG7srrYQ&usp=sharing
श्री कृष्ण जन्माष्टमी, २०१५ को तस्विर

श्री कृष्ण जन्माष्टमीको कार्यक्रम

हिन्दु बुध्दिष्ट फाउन्डेसन अफ क्यानाडाले यस बर्षको श्री कृष्ण जन्माष्टमी आउँदो शनिबार सेप्टेम्बर ५, २०१५ का दिन बियरक्रिक पार्क, १४० स्ट्रिट छेउतिरको गेट भित्रको चौरमा आयोजना गर्ने भएको छ | उक्त दिनको कार्यक्रम यस प्रकार हुने छ:

९:०० - १०:०० भेला हुने, आपसी भेटघाट र तयारी

१०:०० - १०:३० पूजाको तयारी

१०:३० - ११:३० दियो, कलश, गणेश र श्री कृष्ण भगवानको पूजा

११:३० - १२:३० भजन, किर्तन, नाचगान र आरती

१२:३० - प्रसाद ग्रहण

इच्छुक सबै श्रध्दालुहरुलाई आमन्त्रण गरिएको छ | कृपया सपरिवार पाल्नु भै श्री कृष्ण जन्माष्टमी धुमधामका साथ मनाऔं | पूजा गर्न इच्छुक भक्तजनहरुका लागि सम्पूर्ण पूजा-सर्जामको पनि व्यवस्था गरिएको छ, घर बाट पूजाका समान ल्याउनु पर्ने छैन |

धन्यवाद,

हिन्दु बुध्दिष्ट फाउन्डेसन अफ क्यानाडा

जनैपूर्णे २०१५, ग्रेटर भ्याँकुवर

ग्रेटर भ्याँकुवरका नेपाली समुदायले जनैपूर्णे कार्यक्रम यज्ञोपवित धारण गरि क्वाँटी खादै सर्रेमा मनाए | यस कार्यक्रमको आयोजना हिन्दु बुध्दिष्ट फाउन्डेसन अफ क्यानाडाले गरेको थियो | उक्त आवसरमा श्री मधुसुदन आचार्य ज्यूले मन्त्रोचारणका साथ यज्ञोपवित (जनै) को शुध्दिकरण गर्नु भयो भने टिकाराम पोखरेल तथा लक्ष्मन अर्यालज्यूले रुद्री  पाठ गर्नुभयो |

साधुबाद

खराब मौसम भएता पनि हृदयमा श्रध्दा राखी राम नवमीको पवन अवसरमा आयोजित श्री सत्यनारायणको पूजामा सहभागी हुनुहुने सम्पूर्ण श्रध्दालुहरु प्रति साधुबाद | विभिन्न कारणबस सहभागी हुन नसकेता पनि धेरै मित्रहरुले देखाउनु भएको सहृदयता तथा सहयोग भावको लागि पनि साधुबाद | यदि भक्तजनहरु इच्छुक हुनुभएमा हिन्दु बुध्दिष्ट फाउन्डेसन अफ क्यानाडा, यस्तै खालको सामुहिक पूजा (सत्यनारायण, रुद्री आदि) लगायत अन्य कर्महरुको आयोजना गर्न सदा तत्पर छ |

आजको पूजामा उठेको सम्पूर्ण दक्षिणा क्यानेडियन $ २५१.०० यस फाउन्डेसनमा जम्मा गरिएको छ | यो सहित अहिलेसम्म यस फाउन्डेसनमा ५२९९.६६ संकलन भै सकेको छ | ब्रिटिश कोलम्बियामा नेपाली धार्मिक परम्परा तथा संस्कृतिको जगेर्ना गर्ने पवन उद्देश्य, यहाँ बस्नुहुने सम्पूर्ण नेपालीहरुको अथक परिश्रम बिना असम्भव प्राय छ | तसर्थ यहाँहरुको सहयोग सदा अपेक्षित छ |

राम-नवमी: २०७१

गत साल झैँ यो बर्ष पनि राम-नवमीको कार्यक्रममा श्री सत्यनारायण पूजा गरिने भएको छ | यस पूजामा सामेल हुन चाहनुहुने सबै सहभागीलाई समयमै आइ दिनुहुन हार्दिक निवेदन गरिन्छ | यस बर्षको राम-नवमी कार्यक्रम निम्न अनुसार गरिने भएको छ |

समय: अपह्रान्न १:३० देखि साँझ ६:०० बजे सम्म
स्थान: बियरक्रिक पार्कको हल, सर्री आर्ट सेन्टर अगाडी

१:३० - २:००  आगमन तथा तयारी
२:०० - ४:००  श्री सत्यनारायण पूजा
४:०० - ४:४५  भजन
४:४५ - ४:५५  आरती
४:५५ - ५:००  राम-नवमीको महात्म्य बारेमा बाल तथा नव-युवाबाट मन्तब्य
५:०० - ६:००  प्रसाद ग्रहण

हिन्दु बुध्दिष्ट फाउन्डेसन अफ क्यानाडा: आवश्यकता र उत्पति

क्यानाडाको भ्यांकुवर तथा वरपरका शहरहरुमा नेपालीहरुको उपस्थिति बाक्लो नै भएता पनि नेपाली धार्मिक तथा सामाजिक संस्कारको जगेर्ना भएको थिएन | आफ्नो हिसाबले नेपाली धार्मिक तथा पारम्परिक चाड-पर्व अनि रिति-रिवाजहरु मनाउन नपाउँदा सबैको मन खिन्न थियो | त्यहि शुन्यता भर्ने उद्देश्यले यस "हिन्दु बुध्दिष्ट फाउन्डेसन अफ क्यानाडा" को भ्रुण बिक्रम सम्बत २०७० मा बस्यो र २०७१ मा जन्म भयो | अरु पछि .......